شعر خطير

بسم الله الرحمن الرحيم


انا انسان مع نفسي .. قبل ما اكون معك انسان
لي مبدأ ولي نظره .. وتحكمني قناعاتي !!

احاسيسي حقيقه ثابته .. بالوصل والهجران
انا طبعي اذا حبيت .. احب بكل حالاتي !!

ولا اجامل باحاسيسي .. ولا اغفر غلطة الخوان
جزاه الصد والفرقه .. لو عاند رغباتي !!

منادي والندا نابع .. من الوجدان للوجدان
واذا ما ينطق احساسي .. حديثي يشبه سكاتي !!

همومي في الهوى تصريح .. سره يفضح الكتمان
ونظرات الوله والوجد .. هي اجمل عباراتي !!

اذا كان الهوى نعمه .. فحبك نعمة الرحمن
واذا كان الهوى غلطه .. فحبك كل غلطاتي !!

احب الصدق واعمل به .. كسبت او كنت انا الخسران
ولو صدقي يخسرني .. تشرفني خساراتي !!


تــــوك تجيــــن
توك يعني تجين........ توك بس تحسين
وينك يوم كانت دمعتي على خدي تسيل
وينك يوم تنزف جروحي من قلبي العليل
معقوله ماحسيتي ... معقوله مادريتي
اه بس لو تدرين وش صار لي في غيابك
كل يوم اجي اهل دمعي عند طرف بابك
وانتي ولادريتي ... انادي ولا تسمعين
واللحين جايه يمي تشتكين ..
لو اقول لك على اشياء صارت لي ماتصدقين ؟؟؟
تذكرين منديلك اللي عطيتيني
و الورود اللي اهديتيني
منديلك مسحت به اخر دمعه نزلت مني
وورودك جفت يوم خان الوقت بك ظني
ماعاد بقى شي يذكرني فيك
ولاراح اللقى شي يجبرني عليك
روحي مثل مرحت قبلك انا .. ابكي مثل مابكيت
ذوقي مره طعم العنا ... قولي مثل ماقلت انتهيت
لا حكايه ولا قصة .. خرافه دامت سنين...راويه طلعت منقصه...ابيات قتلهاالحنين...
تعالي نسيت اسئلك انتي اللحين وش تبين ؟؟؟؟
ليش يعني توك تجين...
او خانك مثل ماخانني الزمان
وصرتي حطام من بقايا انسان
بس انا ادري ليش جيتي ...
ايه جيتي يوم سمعتي اني نديم
وصرت شاعر وكاتب وبعد وسيم
لاكن ارجعي غلطانه مو انا اللي تبين ...
مو انا (( فـ )) اللي تذكرين ...
ايه انا تغيرت صرت مغرور على قولتك ..
سبب غروري شعور عكسي لفعلتك ...
ليش ساكته ليش ما تتكلمين ؟
او خجلانه من كل اللي تسوين..
تذكرين اول مره شفتك فيها ... تذكرين بسمتك لي وكلامك وهمسك حتى حنينك..
ودي اعرف بس ليش تغيرتي .. وين الوفا اللي عنه تكتبين
مثل البحر للاسف صرتي ... مالك امان ولا لك اي حنين
ليش ليش معقوله انتي تبكين!!!
وين شموخك وين كبريائك وين صمودك يومك من قدام عيني تمشين
ارجوك خلاص كل شي بالنسبه لي انتهى ...
لاحب ولا عشق ولا سهر باليل لين الضحى...
يالله قومي وش تنتظرين معقوله للحين ماتحسين ...
تبين اقولها لك بالعربي ايه مابيك وريني وش بتسوين...
تبين تشتميني اشتمي وبعد واشكيني لك الناس..
لاكن صدقيني راح تتعبي من يصدق وحده مابها احساس..
تبين ادلك بطريقك او تدلينه تبين كل شي لك فيني تاخذينه
بس مابقى لك شي عندي وش تبين تاخذين
ايه تبين منديلك وورودك خوذيها مابيها اصلا ماعاد ينفعون
منديل جاف وورودك ذبلانه وش تبين تستفيدين
على فكره انا كتبت عنك كلام وش رايك تسمعينه ؟؟؟
قلت انك لي مجرد غرام مات واندفن في رجاوي سنينه..
وقلت لهم انك حلوه ومزيونه بس نسيت لاقول انك غبيه وماتفهمين
تصدقين ياكثر اللي يبون يعرفونك
يقولون (( فـ )) بالله منهو مظنونك
وانا ساكت ما قلت لهم شي .. مو خجل بس اخاف من كلامي يفهمونك
اللله انا اليوم مبسوط .. اول مره اكتشف اني فرحان
احس اني كسبت الشوط ... معقوله هزمتك وانا الخسران
جربي لو مره طعم الهزيمه .. ذوقي طعم العذاب اللوان
لحظه اشوفك قمتي لايكون تبين ترجعين ؟؟
للحين عندي كلام بدري وين بتروحين ؟؟
لحظه ارفعي راسك ...........
ايه وشبك ارفعيه لا تخافين ماراح امسح دمعك
بس ابي اتلذذ وانا اشوفك تصيحين
تشوفين ان الدنيا دواره .. وانها ماراح تدوم لاحد
ومهما كانت الامواج غداره ... يكفي بين الاحباب كلمة عهد
واللحين الله معاك روحي الظاهر احبابك يبونك
بس تذكري ترا من خان لاجلك مصيره يخونك
لحظه كلمه في داخلي احتويها 000 ودمعه بعيني تبي فرقاك
قلبي يقول قلها ترا ماعاد ابيها 000 كملي طريقك حلفت لانساك
حرام لو تغيب كل العمر ماحتريها00 يكفي روحي عاشت سنين بلياك

تقبلوو تحياتي