منتديات جست لايك يو
العرس 684
منتديات جست لايك يو
العرس 684
منتديات جست لايك يو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اذا ماوسعڪَ المنتدىآ تۈسعڪَ عيونـآإ يـآإ زائر,جْ ـمٌيٌع آڷحقۉق مٌحفۉظهـٍ لـِِّ جًِْسٌِِّتُِِّْ لآيَكَ يَوٍ
 
الرئيسيةالبوابة أحدث الصورالتبادل الإعلاني التسجيلدخول

 

 العرس

اذهب الى الأسفل 
3 مشترك
كاتب الموضوعرسالة
ملكة الخيال
●|¦الحلآإأ بإسمي إنڪتب¦|●
●|¦الحلآإأ بإسمي إنڪتب¦|●
ملكة الخيال


الجنس : انثى
عدد مشاركاتي : 3968
نقاطي : 59540
تاريخ تسجيلي : 14/05/2009

العرس Empty
مُساهمةموضوع: العرس   العرس I_icon_minitimeالسبت يوليو 04, 2009 12:08 am

البدايه


ليلة الدخلة .. ياهي ليلة عيد من جد
لا هيئة ولا قلت حيا ولا خوف و لا بطيخ

طبعا ً الناس تختلف عاداتهم .. من ديره لـ ديره
اللي يلبسون كرفتات .. واللي يلبسون طرابيش .. واللي يلبسون ( ثياب )

انا ابي اسولف عن اهل الخليج .. وبتحديد السعودية .. وبتحديد سيرلنكا خخخ
اقصد منطقتنا

طبعا ً قبل العرس لازم تنسق مع اهل العروس سعر المهر.
وعندنا المهر مو ثابت .. يعني على حسب البنت
إذا هي شق ( صاروخ ) يطلبون 70000 الف .. وإذا لم تكن كذلك يطلبون من الثلاثين الى 50000 الف
واذا هي مشلوله ب15000 الف

وفي مجتمعنا المحافظ .. يقهرونك قهر ورب الكعبة .. تروح اختك وامك يتفحصون البنت
<< مادري شارين لي موتر مو بنيه .. مو ناقص إلا يطقون فيها فره يجربونها

الزبده ..

و ترا المسألة على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد وقلت حيا .. يعني ذوقها تمام
وإذا تلقى ذكرى ام صيته + ام مزنه + ام ليالي .. وقلب حب مدري شلون هو جاي ..والله اللي رحت فيها )

واختاروا لك بنت .. المفروض بالعقل انك تشوفها .. لأنها شريكت حياتك ( الشرع يقول كذا )
اما حنا لا .. بس يوصفونها لك
شعرها كذا .. طولها كذا .. عليها اير باق
يعني شي خيالي .. وانت تفكر وتقول بنفسك
( يا الله .. يلعن ام الجمال يا شيخ )

وامك ترفع .. واختك تكبس خخخ .. وعلى هالوصف هذا هيفاء وهبي مو بنت ام فلان
وتقعد لك ثلاث شهور .. وانت بس تفكر في البنت .. لين ينتفخ راسك

ويجي اليوم اللي تمنيته طول حياتك .. ليلة العمر
تلقاك لابس البشت وابوك على يمينك وعمك الكبير على يسارك

وخوانك وعيال عمك وعيال خوالك وعيال جيرانكم .. حتى عيال خدامتكم
كلهم متجمعين .. واللي يعرض بالسيف ( مسوي لي فيها الزير سالم هو و راسه )
واللي ماسك الرشاش والسما حمرا من الطلق .. تقول جالس بفيتنام

الزبده .. وتخش على صالة الأفراح حقت الحريم ..

بصراحة العزوبي ما يخاف الا من شيئين
1 لمبات العرس إذا ركبوها على البيت ( تحس خلاص ما فيه رجعة )
2 إذا دخلت على صالة الحريم في صالة الأفراح
هينا يجينا ( مغص في البطن .. )

ولما تخش الصالة .. الله لا يوريك ..


ولما تخش تمشي في الصالة تبي الكوشة .. تسند جسمك على ابوك على شان ما تطيح من هول ما ترى
وتجلس على الكرسي تلتقط انفاسك .. وانت من داخل ميت تبي تشوف العروس
ولما يطلعون اللي زفوك .. ابوك وعمك والخمه اللي معهم << قوية الخمه

يجي عاد الكلام اللي مال امه داعي
امك تطب في الملعب ( والمقصود بالملعب هنا " ساحة الرقص " البست يعني )
وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي لها ربع ساعة

طبعا ً العالم اللي عندك منت صوبهم .. تبي تشوف اللي بجنبك جالسة .. تبي تشوف بسكال مشعلاني
وفي هذه الأثناء انت مفهي على الحضور .. وعينك كبر قوطي جبن كرفت تقز في البنات اللي قاعدين
عاد البنات الله يقلعهن يستعبطن
اللي تطيح الشيله متعمده .. واللي تنزل العبايه شوي وتطلع البلاوي .. واللي ترفع الغشوه يعني تشرب ماء
( الله يرجهن يا هن زاحفات )

وبعد نصف ساعة كأنه الدهر بحالوه ==> قلب زلمه

تنطلق انت وهالغزال للعشة الزوجية
ويدخلونكم الغرفة .. واللي يلولش هينا واللي يزغرت هناك .. واللي يلعب يوقا عند الباب

المهم .. تخش الغرفة وانت لابس البشت << ==يعني شرايك ..

وتقول للعروس السلام عليكم
وهي اشكل .. ما ترد

وتنزل البشت .. وتجي تقعد جنبها

( ايوه ... هينا الكلام ) ....

ويوم جلست .. وانا المح طرف كوعها .. ويوم شفت الكوع
لا تقولون يالربع .. تقول غاطه كوعها بغرشة حبر اسود

انا هينا صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )
واقول لها يا فلانه ..

ولا ترد علي !!؟
يافلانه تعوذي من ابليس .. وقومي
وهي تسوي مستحية .. ما تدري انها لو تقول لي ( بععععع ) انحشت مع الباب

الزبده .. وانا اسولف معها ما ترد علي .. شاطفتني شطفه بنت كلب
تقول قرد عندها مو زوجها ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد انا شهم لأبعد الحدود <<== والله انك نصاب لأبعد الحدود

وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله
ما ردت علي , كأني اسولف على جدار
وقلت بيني وبين نفسي << يا كثر ما تسولف على نفسك

( تدري شلون .. خلني اضحكها .. انكت استعبط ..اللطف الجو )

والله واجي واقعد جنبها .. واقول فيها بيت شعر .. اتغزل فيها
وهي شطف .. ولا كأني موجود بالغرفة !

واقوم واخذ القلم واسجل رقم جوالي .. واقطه عليها وقلت لها هذا رقمي
ارقمها .. " بكيفي مرتي وبكيفي .. ان شاء الله ارقم ابوها بعد "

وهي تبتسم بس ما تكلمت .. ويوم تبسمت جيت وجلست بجنبها ( لزيت فيها شوي )
وقلت لها .. ( معك مباحس امن دولة ) =>>يعني انكت انا وراسي

هينا البنت قالت بقلبها .. ( يا الله المستعان .. زوجي طلع خبل )
واخذ لي ربع ساعة وانا مفهي على زولها .. اطالعها من فوق لتحت << تحسون عمره ما شاف خير
واقول بنفسي .. ( يا ولد الجسم مسكت ما يحتاج .. بس الوجه .. ابي اشوف الوجه )

والله وانا امسك ايدها .. انا من مسكت اليد وقلبي قام يقول طربق طربق..
.. والبنت قامت تنزل ايدها الثانية شوي شوي

وانا استانس بصراحة .. وقلت العن ام الفله

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل
الـ B52 يوم تنزل على بغداد .. وانا لي صياح << سجن ابو غريب مو العشة الزوجية

.. واروح واوقف عند الباب .. واقعد اطالعها .. مدري وش اسوي
إن طلعت برا شافوني اهلي .. ويقولون وش فيه ولدنا لا يكون فضحنا مع البنت
وإن جلست في الغرفة .. هذي ما تعطي وجهه .. وقمت افكر و افكر لين طرت على بالي خطة
واشوف سويتش اللمبه ( Off .. On ) .. وانا اطفي اللمبه .. واولع المبه الحمرا

ألمح لها .. والله وتقوم بنت الحلال وتتوجه صوبي
انا يوم شفتها جتني تمشي .. خفت والله .. قلت الحين تبي تلعن خيري
وتجيك المعزبه .. وتطفي اللمبه الحمرا .. وتولع اللمبه العاديه

وانا ماسك يدة الباب ابي انحاش إذا قربت لي <<== امحق رجال
وقلت لها .. اقوول ( خلاص بلا عرس وبلا بطيخ .. الحين انا ابي انام .. شلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف
واروح لزاوية الغرفة .. واحط المخده .. .. وألقيها ظهري
وانا صاد اطالع الجدار << ما قلت لكم شهم >> أي هين تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

واسحب الكتكات .. واقعد اكل من الحلويات لين ارتفع السكر اللي عندي

والبنت تطالعني مستغربة .. انا إذا شفت الحلويات والعصيرات .. افقد الوعي على طول

وحسيت فيها انها تناظر لي .. وانا اكل من الحلويات .. من كل بستان زهرة على ما قالوا
واجي واحطهم عندها .. واطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات .. عاد انا احلا شي عندي الكتكات ><"
والله وانا اطالعها بعيوني.. ( ابيها ترجعه وتاخذ شي ثاني )

وهي تسحب علي السيفون .. وتفتح الحلاو و تدخل يدها تحت الطرحة وتاكل

وقلت لها .. ادفع نص عمري بس اشوف وجهك
قالت بصوت خافت ومبحوح ( صوتها يدوخ ياجماعة الخير )

قالت .. ابي بطاقة سوا
انا يوم سمعت البطاقه .. كنك صافقني مخمس على خشتي
وقلت في نفسي .. هلا هلا .. من اولها بطاقه سوا .. شكلها راعية تلفونات المعزبه ><"
وقلت .. اجيب لك الثريا .. بس اكشفي هالخشه .. ابي اكحل عيوني واشوف

" ابي اوصف لكم الحدث .. كأنكم معي "

وتضع يدها على النقاب ..
( وتبدء الكاميرا بالدوران من خلف راسها .. مثل تصوير الافلام )

وانا انظر ..

اقصد و يبدأ التصوير بالبطيء .. وانا انظر لها بتلهف وفاتح افمي
وحين كشفت لي عن وجهها ..

قلت ( .............................. ............... )
وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير
واحذفها عليها بسرعة 85 ميل في الساعة لكنها تحاشت الطلقه

انا انقهرت .. وقلت .. والله يقلع ا عمر اختي الي جمعتني فيك يا بنت الـ ... طوط طوط

والله وانا اطالعها منقهر .. ومتحسف على المهر ( 70000 ألف ) الله لا يخسر

واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتفس
واربط الخيشه براسها .. والف عليها سيم ( علاق ملابس )

عاد انا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم
والله للعن ابو D . N . A اللي عليكم
مزوجيني مسخ الله لا يبارك فيكم

بالله هذي بنت .. لعن ابوكم لو اني ماخذ لي سرلنكيه استر لي من نمسس اللي انتوا مزوجيني اياه
طلعوا باقي المهر لا اجيب عليكم الشرطة الحين

وتقولون هيفاء وهبي بعد .. زكيه زكريا اطلق منها الله لا يربحكم


الزبده .. وانا اقط البنت على اهلها .. وارسل لهم ورقط الطلاق .

**************


فوائد الموضوع

1-تموت الأسود في الغابات جوعا ً .. ولحم الظأن يرمى للكلاب ُ
<< قلنا ما يستفاد من الموضوع مو ديوان المقفع
2- نعيب زماننا والعيب فينا .. وما لزمان عيب ٌ سوانا << هذا وش يبي !
3- لا تثق في ذوق احد .. بل اختر انت بنفسك .. الدعوه فيها شريكة حياتك مو قطعة قماش
4- خلك رجل .. وخش في عين البنت من اول لحظه .. لا تسوي سواتي .. ترا تاكل تبن
5- عاملوهن بالمعروف ولا تغصبوهن على ما حرم الله فإن الـ .. << اقول لا يكثر
6- اتمنى تكونون استفدتوا من الموضوع << افلقني إذا ما وقفوك على هالموضوع
الرجوع الى أعلى الصفحة اذهب الى الأسفل
http://omran8.co.cc
قلب المحبة
المراقبة العامة
المراقبة العامة
avatar


الجنس : انثى
عدد مشاركاتي : 1691
نقاطي : 56154
تاريخ تسجيلي : 24/06/2009

العرس Empty
مُساهمةموضوع: رد: العرس   العرس I_icon_minitimeالإثنين يوليو 06, 2009 12:22 am

هذه مشكلة قبل الزواج ما يشوف الخطيب خطيبته الا بعد الزواج

يقولون هذه العادات والتقاليد لا ويزيدون عليها بكلمة (( الدين ما يسمح ))

اعطوك احلى فتوى والرسول وصى بانه الرجال له الحق يشوف زوجته قبل الزواج والبنت بعد لها الحق تشووف الزوج لانه كل واحد وله نظرة في الثاني للقبول أو الرفض

الله المستعان على الفتاوي المبدعة من بعض الناس

شكرا يا ملكة الخيال على الموضوع
الرجوع الى أعلى الصفحة اذهب الى الأسفل
ملكة الخيال
●|¦الحلآإأ بإسمي إنڪتب¦|●
●|¦الحلآإأ بإسمي إنڪتب¦|●
ملكة الخيال


الجنس : انثى
عدد مشاركاتي : 3968
نقاطي : 59540
تاريخ تسجيلي : 14/05/2009

العرس Empty
مُساهمةموضوع: رد: العرس   العرس I_icon_minitimeالإثنين يوليو 06, 2009 5:15 pm

مشكووور عااشت الأيااادي
الرجوع الى أعلى الصفحة اذهب الى الأسفل
http://omran8.co.cc
جسر المحبه
مشرفة عالم الصور
مشرفة عالم الصور
avatar


الجنس : انثى
عدد مشاركاتي : 469
نقاطي : 53891
تاريخ تسجيلي : 14/08/2009

العرس Empty
مُساهمةموضوع: رد: العرس   العرس I_icon_minitimeالسبت أغسطس 22, 2009 6:56 am

شكررررررررررا

شكررررررررررررررررررا
الرجوع الى أعلى الصفحة اذهب الى الأسفل
ملكة الخيال
●|¦الحلآإأ بإسمي إنڪتب¦|●
●|¦الحلآإأ بإسمي إنڪتب¦|●
ملكة الخيال


الجنس : انثى
عدد مشاركاتي : 3968
نقاطي : 59540
تاريخ تسجيلي : 14/05/2009

العرس Empty
مُساهمةموضوع: رد: العرس   العرس I_icon_minitimeالأحد أغسطس 23, 2009 12:06 am

تسلمين ع المرور
الرجوع الى أعلى الصفحة اذهب الى الأسفل
http://omran8.co.cc
 
العرس
الرجوع الى أعلى الصفحة 
صفحة 1 من اصل 1
 مواضيع مماثلة
-
» الغيرة وراء إحراق خيمة العرس بالكويت!!!!!!!!!!!!!!!!!!

صلاحيات هذا المنتدى:لاتستطيع الرد على المواضيع في هذا المنتدى
منتديات جست لايك يو  :: العالم الترفيهي :: عالم الوناسة والترفيه-
انتقل الى: