ليله العمر ,’~آحلام ورديه

//
صباح / مساء الخير ع الجميع ..


من فيكم مايبي يعرس ويلبس الثوب والبشت والغتره

ومن فيكم مايبي ينزف على البساط الاحمر وماسك يد زوجته ويتمقلل فيها





ومن فيكم مايبي يعيش الحياه الزوجيه او فتره ماقبل العرس (فتره الخطوبه ) وكل يوم داق على خطيبته وميه رساله يوميه توصلها

من فينكم يابنات ماتبي تعرس وتلبس الفستان الابيض ,

ومن فيكم ومن فيكم .. وذا مافيك اطلع برا




اكيد ليله العرس بتكون من اجمل ايام الانسان اللي بتمر عليه .. وفي مقوله اخرى يسمونها ليله
العمر





هذه الليله على كثر الواحد يشيل همها وغمها الا انها اطلق ليله بالدنيا ..


ليله تغير لك حياتك وتبدل حياتك من العزوبيه الى عش الزوجيه ااه بس < خلصنا من المقدمه





//
حبيت اقول بهالموضوع ان طاري العرس كثر هالايام .. يعني مايمر يوم الى آسامع ابي اعرس ..
سوآآآآ للبنات او لشبآآب

مآيمر يوم لى الواحد ينادي امه
حصه ابي اعرس ...يمه ابي اعرس


والبنات نفس الشي <<خلاص انا طفشت من اهلي ابي اعرس وافتك


واللي استغرب منه دائما انهم يفكرون لزواج بتفكير سطحي


يعني ماخذين الزواج من بدايته لنهايته حياه حلوا وعسل ع عسل وورود حمراء وكذا




وانا اقولكم لا حطوا في بطنكم بطيخه صيفي ~<فيس يضحك


, ممكن شهر حياه حلوه بعدين يبان الزواج ع حقيقته غثى وطفش وكرف الى من رحم الله

<هالحكي من توقعاتي ومن خلال مانسمع ولا انا ماجربت





.. طيب انتي اوانت ماسألتم انفسكم انتم قادرين تشيلون مسؤوليه زوج وبيت وعيال ؟



ولا بعد فيه بعض العيال يبي يعرس وهو لاتوظف ولا عنده سكن ولاشي يعني من كل عقلك
تظن فيه بنت بتاخذك حافي منتّف !

اما البنات ماوراهم شي هات المهر واتجهزي ونتوكلي على الله


طيب خلونا نتكلم عن المواصفات ومادراك مالمواصفات~<ادري دوختكم في الموضوع








نتكلم اول عن موصفآت الشبآب

ابي جسمها زي هيفا وهبي وشعرها زي شعر نجاح المساعيد وخشتها زي اليسا وتطيح الطير من
السما





طيب يعني ليه كذا يرضيكم البنات يعنسوون ~~>بيجك كعب ماشي مليون

ترا بقلكم شي في الزواج

ترآ اهم شي الاخلاق وحب الوطن





نجي لموصفأت البنات
يبون واحد تاجر ويشتغل مع الوليد بن طلال وتكون عيونه خضر وخشمه

سله سيف وشعره اشقر وعريض المنكبين وطويل القامتين شبعد شبعد






الخلاصه : ~~>من بدري

استهدو بالله وفكروا قبل ماتتخذون اي قرار بحياتكم وخاصتن الزواج لان الزواج مهوب لعبه





وكونوا واقعيين وغير سطحيين هذا اهم شي بالحياه والي خلاني اتكلم عن الموضوع بصرآآحه وقصم موب انا

مابي اعرس الحين بعد ثلاث سنوات~~>علينا
بس الي حولي وقسم يوم اشوفهم يتكلمون بسطحيه قلت باسال اسله ونوشوف ايش يبون يوصلون له


وطبعآآ راح اقسم اسالتي لشبآآب والبنات وتمنى تجاوبن بكل صدر رحب


اسئله عامه :

س / ماذا يعني لك الزواج ؟



س / ليه دايم نربط الحب بالزواج .. يعني تتوقعون اذا كان فيه زواج لازم يكون فيه حب ؟





س / هل ممكن نحصل بالزواج الاستقرار العاطفي ؟


لشبآب :

س / اكتبوا لي كم سطر عبروا فيها عن الزواج وماذا يجد الشاب وماذا يريد من الزواج ؟
~~<وهقتكم صح





س / هل ممكن تعرس وانت مو متوظف وماعندك دخل مادي وشهري مثلن تقول انا عندي ابوي وهو اللي بيصرف عليّ وعلى زواجي ؟ !

س / وش مواصفات فارسه احلامك ورجاءً خلونا واقعيين






للبنات :

س / ليه اغلب البنات يبون يعرسون اليوم قبل بكره ؟



س / هل تفكرين الزواج حياة ورديه دايماً .. ؟

س / هل قد مره تعرضتي للخطوبه يعني مثلن احد دق على امك قال ابي بنتك يعني بهذاك الوقت وش تحسين فيه ؟~~>ونت وش تبي ها





س / وش مواصفات فارس احلامك ورجاءً خلونا واقعيين ؟






اتمنى اني غطيت موضوعي من كافه النواحي وسامحوني ع القصور ..
وعذروني ع الطريقه بس حبيت يكون فكاهي شوي ْْ

تحياتي لكم